اوجاع.. الروح - بوابة العاصمة Failed loading gist https://gist.github.com/b22b657ec25f88154d3a6ebb14a382ff.json: timeout

اوجاع.. الروح

رانيا اسامة

وجع الروح.. والآلم النفس.. علاجهم بعد التقرب من الله… فهمك لنفسك.. وتحديد دقيق للي وجعك..

 

وبنتوجع نفسيا لية؟؟؟

علشان بنتعشم.. فناس عزاز

غالبا اللي بيوجعنا نفسيا شخص قريب اوي وله مكانه خاصة

شخص مش بنتوقع منه هو بالتحديد انه يوجع

والوجع بيكون بمثابة صدمة سواء بكلام مباشر او غير مباشر أو موقف صادم…

 

=طيب وانا أتجاوز وجعي اللي بيوصلني لفقد الثقة.. ووجع الروح… والم القلب مع كل نفس.. ازي؟؟؟؟

 

_اول خطوة..

#اختار هتكلم اللي وجعك ونتناقش.. ولا هتكتفي بالصمت..

وكن قد اختيارك لان مش كل المخطئين بيعترفوا.. ويتعتذروا ،مش كلهم بينفع معاهم الكلام المباشر…

 

*ولا الصمت بيريح.. لأن الالم النفسي نار بتجري فالدم.. جحيم

بيسبب أمراض عصبية ونفسية.. فلو مش قد الصمت متضغطتش نفسك.. واتكلم حتى لو مع نفسك.

 

_تاني خطوة…

#التوقيت… هتتكلم.. استنى الوقت المناسب. واتكلم بعد ما تتجاوز جزء من وجعك.. بمعنى اخر.. تكون فقت شوية

أو سألك مالك.. او حتى قادر تتكلم..

 

_ثالث خطوة…

#ركز في محور مشكلتك بس وفكر كويس قبل ماتتكلم.. رتب أفكارك ومتخرجش برة سياق اللي وجعك.. بلاش تشتيت

*بلاش اندفاع وتقول اخسره عادي ماهو وجعني وكرامتي… وبلاباابلااااا…. وتهد المعبد عليك وعليه..

في ناس ماينفعش تخسرهم.. خصوصا لو اب او ام او شخص له اصلا مكانه عندك

لو زوج وفي اولاد..

لو مدير عمل.. حتى لو اتظلمت.

 

*اما لو هتصمت.. الوجع هيزيد وخصوصا لو اللي زعلك مافرقتش معاه

ولم يبدي اهتمام

لو زاد فالتجاهل…

لو هتصمت وقررت لا تواجه ولا تصالح… انت كده دخلت فمرحله كره.. او حاله لامبالاة… ولو هو غالي هتكتئب… نصيحة ألجأ لمتخصص نفسي… أو حد قريب فضفض معاه

حتى لو ورقة وقلم

فرغ وجعك حتى لنفسك

لأن الأعصاب ليها قدرة ع التحمل.. بعدها بتنهار

 

ومافيش احن من ربنا تفضفض معاه..

 

👁️‍🗨️نظم صمتك… علشان تخفف التوتر والوجع.. ازاي؟؟

#نام لو انت بتعرف تنام وانت حزين

#كل الأكلات اللي بتحبها

#اتكلم مع حد بتحبه.. او حتى نااس مكانتهم عادية حواليك وفمواضيع غير اللي وجعاك خالص

#اشرب ميه كتييييير

#لاتهمل العبادات اطلاقا.. هي النجاه

لو مأخدتش بأيد نفسك…و استعنت بالله

ثق تماما انك هتموت قهرا

 

رابع خطوة

#التجاوز… بعد وقت سواء اتكلمت او صمت.. هتلاقي نفسك بتتجاوز ألمك.. وخصوصا لو تعاملت معاه صح.. وبذكأء

 

وتعاملك صح.. هو اللي هيطلعك بدرس او مجموعة دروس تقدر من خلالهم تنظم تعاملاتك القادمة

 

وخلي اهم دروس تطلع بهم بعد كل أزمة

١.تقربت لله اكثر

٢. ضبط اكثر للنفس

٣.القدرة على التغافل.. وتدريب النفس على التاقلم(مش فكل الحالات طبعا حسب نوع وشخصية مسبب الألم)

، نصيحة

حاول وانت بتتجاوز.. تدرس اللي قدامك… تحلله بعمق

وخصوصا لو حصل منه انه

أهمل تماما انه وجعك

أو حاسس وبيراضيك

حاول تعرف عقده واوجاعة.. في ناس بتوجع غيرها عن جهل

وناس بتوجع عن عمد

وناس بتوجع فاهمينه استعراض قوي بيقولوا لك متقربش من الحتت دي فحياتي.. بس بقله زوق

وناس بتوجعك لأنها موجوعة.. إسقاط نفسي يعني

 

☑️حاول توصل للنضج اللي تحتوي به اللي وجعك… بلاش اندفاع

متدوش الوجع.. فرصة يتكاثر…

بيوتكم بتتعبوا علشان تبنوها… و احلامكم كبيرة.. متخلوش شويه عقد نفسية تدمرها…

 

احيووووها.. بالتركيز على التفاهم والاحتواء

دامت بيوتكم عامرة مستقرة

685 total views, 2 views today

عن إيمان العادلى

شاهد أيضاً

أزياء العاصمة

إيمان العادلى تألقى عزيزتى بأجمل عروض شتاء 2020 لأجمل موديلات بلوزات التريكو بمختلف التشكيلات والألوان …

المجلس القومى للمراة يستقبل امين عام التعاون الاسلامى

  متابعة رويدا عمار الجازوى   يتميز المجلس القومى للمراة بالتنوع والتجديد فى متابعة كل …

اترك تعليقاً