مطلوب عروسة

0 51

 

 

إيمان العادلى

الحلقة الثالثة عشر

 

بعد العروسة اللى كل حاجة عندها معادلات وكمياء حتى الحب والجواز كمان انا خلاص صمت عن الجواز و ٠٠٠٠٠

 

الحاج محمود : حمادة تعالى عاوزك لاقيتلك عروسة بنت حلال وطيبة وأبوها متوفى ووحيدة امها وأصلهم من الصعيد وتقريبا كده مقطوعة من شجرة لا عم ولا عمة ابوها كان وحيد ولا خال ولا خاله

 

حمادة : ودى منين يا بابا وانت تعرفها ازاى

 

الحاج محمود :سامى فى الشغل قالى عليها من بلدهم وحلفلى أن البنت حلوة وامها ست محترمة وانا بعت لامها وحنروح الخميس وحيروح معانا سامى ومراته وأدى فلوس التورتة و ٠٠٠٠

هوبه

 

الحاجة أميمة: رن الجرس يا ابنى ربنا يجعلها من نصيبك لو فيها الخير

 

ام العروسة: اهلا وسهلا بيكم شرفتونا اتفضلوا اتفضلوا

 

الحاجة أميمة : اهلا بيكى يا حبيبتى نوركم والله ونور عروستنا

 

حمادة : الست امها طيبة اووى بس حزينه مش عارف ليه وبيتهم جميل ومنظم بس فيه حالة سكون غريبة أو حزن مش عارف احدد و ٠٠٠٠

 

سامى : عروستنا فين يا ام رضوى خليها تيجى تسلم على عريسها وعليته

 

ام العروسة : تعالى يا رضوى متتكسفيش

 

الحاجة اميمة: ماشاء الله تبارك الخلاق فيما خلق قمر يا حبيبتى تعالى سلمى على حمادة وعمك محمود

 

العروسة: اهلا يا عمىى اهلا ا احمد اهلا عمو سامى ازيك تانت فتحية

 

حمادة : اهلا بيكى اتفضلى

الله العروسة جمالها ربانى وهادية ورقيقة وشيك بس برضه فيها حزن زى امها و ٠٠٠٠٠

 

ام العروسة: حنسبكم شوية كده مع بعض تتعرفوا سوا وتعرفوا طباع بعض وبصوت واطي (رضوى إوعاك تطفيشيه ولا تشترطى عليه الشرط المهبب ده أدينى بقولك اهو)

 

العروسة : اهلا ا احمد حضرتك بتشتغل فين

 

حمادة : انا مهندس معماري وعندى مكتب مع واحد شريكى والباقى ههههه عمو سامى قاله طبعا ممكن اسالك ليه شكلك حزين

 

العروسة : كويس انك لاحظت ده حتوفر عليا كتير اووى فى اتفاق الجواز

 

حمادة : مش فاهم مال الحزن واتفاق جوازنا

 

العروسة : شوف ا احمد حضرتك مريح وانا مبدئيآ موافقة عليك وموافقة على اى طلبات منك فى تجهيز الشقة إن شاء الله افرشها انا كلها و ٠٠٠٠٠

 

حمادة: للدرجة انا عجبتك وارتحتى ليا ( سرك باتع يا حمادة والبت وقعت فيا من أول نظرة) و٠٠٠٠

 

العروسة: ا احمد مش موضوع إعجاب انا حفهمك و ٠٠٠٠

 

حمادة: امال موضوع ايه بالظبط حتتجوزينى ليه يعنى لو معجبتكيش بصراحة انتى عجبتنى وحشوف مامتك وبابا ونحدد الخطوبة لو معندكيش مانع و ٠٠٠٠

 

العروسة : شوف ا احمد انا زى ما قلتلك معنديش اى طلبات ولا شروط وماما مجهزانى من كافة كل شئ والحمد لله عندى وديعة فى البنك ومستورة بس ليا طلب واحد بس مفيش غيره عاوزاه منك لو عاوز تتجوزنى

 

حمادة : طلب واحد انتى تطلبى اللى عاوزه وانا انفذ

 

العروسة : متاكد

 

حمادة : اه طبعا آمرى انتى بس

 

العروسة: احنا حنتخطب ومش عاوزة شبكة ولا مؤخر ولا قائمة

عاوزة حاجة واحدة بس

عاوزة تار ابويا

 

حمادة : مش فاهم تار ازاى يعنى وابوكى ماله الله يرحمه

 

العروسة :دى حكاية طويلة وابويا اتقتل فى تار كان عليه الدور وابويا وحيد ومفيش حد فى عيلتنا غير البنات والستات والمفروض الدور عليا اخد تاره وبما انك حتبقى جوزى يبقى تاخده انت وتقتل اللى قتل ابويا من العيلة التانية وفى الحالة دى أنت نفذت شرطى الوحيد و حنتجوز وحبقى ملك ايديك العمر كله و ٠٠٠٠

 

حمادة : تار ايه وبكده مش حنتجوز ده انا حتعدم ويقتلوا ابويا ولا البت أميرة اختى والتار يجى عيلتنا ولا يستنوا عيالى يكبروا ويقتلوهم

لا طبعا أنا مش موافق هو ده كلام واحدة عاقلة ومتعلمة زيك ولا هو العمر بعزقه و

باااااابا تعالى خلصنا الكلام تعالى يا ماما

 

الحاج محمود : ( الإشارة يبقى مشبكوش مع بعض)

خلاص يا حاجة حنرد عليكم بعد ٠٠٠٠

 

حمادة : لأ يا بابا مش حنرد بعد ولا غيره احنا حنرد دلوقتى مفيش جواز يا حاجة بنتك عاوزة قاتل مش عريس هو العمر بعزقة وانا ارفض اتجوز واحدة بالعقلية دى اصلا

يلا يا بابا

 

ام العروسة : تانى عملتيها تانى ابقى قابلينى لو لاقيتلك عريس

 

حمادة : الله بقى دى بنتك متعودة تطلب الطلب ده وده كل همها من العريس

غريبة يا بابا لسه فى الزمن ده حد بيفكر فى التار والدور اللى عليه والقتل خسارة إن فى عقليات كده

 

يلا يا حمادة فلت بعمرك

 

استنونى بكرة وحلقة جديدة

 108 total views,  4 views today

mersin escort mersin escort mersin escort mersin escort mersin escort mersin escort kayseri escort konya escort malatya escort malatya escort erotik film film izle komedi film izle