العاصمة

نصائح العاصمة

0

 

 

إيمان العادلى

 

لما تيجي تسلقي الفرخه ابشري بصله وحطي عليها ملح وفلفل اسود وادعكي بيهم الفرخه من بره وجوه وبعدين حطيها تتسلق هتلاقي طعمها تحفه ومفيهاش ريحة زفارة

 

لما تيجي تقلي بطاطس لو عايزاها مقرمشه انقعيها في ميه وملح وخل قبل ما تعمليها بساعتين علي الاقل هتطلع مقرمشة وجميله

 

الرز عشان يبقي مفلفل وميعجنش قلبيه في السمنه او الزيت كتير يتشوح افضلي قلبي فيه لحد ما كل حبة رز تتغلف بالمادة الدهنيه وبعدين ضيفي الميه والملح

 

وانتي بتغسلي وشك الصبح بالمرة وانتى فى التوليت شوية صابون في ايدك وسلك مخصص للحمام ونضفي الحوض ورشي مطهر ع الارض وشوية ميه وشديه بالمساحه

 

متركنيش الغسيل خالص اغسلي حتي كل يومين مش هتزهقي وهتخلصي بسرعه

 

بعد ما تخلصي المواعين هاتي الفوط اللي بتمسكي بيها الحلل واغسليها بصابون وعلقيها هتبقي نضيفه لما تيجي تستخدميها تاني

 

قبل ماتنامي ادهني وشك زيت زيتون وبعدين اشطفيه بماء فاتر وحطي ماء ورد

 

عايزة زيت الشعر يجيب نتيجه دلكيه علي فروة الراس

 

متأخريش صلاتك ابدااا وأول ماتسمعي الآذن صلي علي طول ده ربنا بينادي علينا يبقي نسيب اللي في ايدينا ونروحله

 

ياريت يبقي جنبك مصحف وكل ما تصلي اقراي 5 ايات يعني اخر اليوم هتكوني قراتي 25

 

وطول مانتى واقفة فى المطبخ او بتوضبى شقتك . استغفرى ربك وسبحى ، وانتى مش هتحسى بتعب ولا شقى ،خلى لسانك يذكر الله باستمرا وهتشوفى النتيجة بنفسك

اكتشاف المزيد من بوابة العاصمة

اشترك الآن للاستمرار في القراءة والحصول على حق الوصول إلى الأرشيف الكامل.

Continue reading