أفتاكسات زوج صايم

 

إيمان العادلى

 

الحلقة الواحدة والعشرون

إلهام وممدوح

 

إلهام : صباح الخير يا حبيبى

كفاية نوم بقى وكسل هو العيد قال كده قوم يلا أتنشط على ما أجهزلك الشاى والبسكوت

 

ممدوح : صباح الفل حبيبتى الواحد جسمه مكسر من رمضان والسهر

وبعدين فطار أيه ده أنا شبعان من أكلة رنجة أمبارح والبطارخ أختراعى ههههههه

 

إلهام : ههههه طيب قوم يلا ومتفكرنيش تانى بجريمتك بتاعة البطارخ عاوزة أنساها

ها

 

ممدوح : جريمة يا إلهام برضه ما أنتى أتهبلتى عليها إمبارح أنتى والعيال وكلتوا صوابعكم وراها

 

إلهام : ( قال أتهبلت قال ده أنا والعيال بنلم الليلة علشان الجيران ميسمعوش صوتنا )

 

ممدوح : بتقولى حاجة يا روحى

 

إلهام : لا يا حبيبى ده أنا بكلم نفسى بسلينى ههههه

يلا تعالى جهزت الشاى والبسكوت

 

خالد : صباح الخير يا ماما فين الشاى بتاعى والبسكوت

 

إلهام : صباح النور يا حبيبى

ولع على الشاى وانا ححط لك البسكوت والكحك

 

رهف :وانا كمان يا مامتى فطرينى معاه

 

إلهام : مفيش صباح الخير يا ماما ولا قايمة على الأكل ( مفجوعة زى أبوكى )

 

رهف : صباح الفل يا مامتى وبطلى تكلمى نفسك ها

عارفة أنا كلامك ده معاها هههههه

 

إلهام: طيب يا ذكية افطرى يلا أنتى وأخوكى وأخلصوا

 

خالد : حتغدينا أيه النهاردة يا ماما

 

إلهام : غدا ايه يا حبيبى أنت وهى وهو

مفيش غدا ولا حدخل مطبخ 3 أيام

أجازة يا حبيبى انت وهى

خلاص بح قفلت البوفيه وحريح

30 يوم شغالة زى الفلبنية فيه

ايه مليش نفس أريح وأشوفلى فيلمين ولا أمسك الفيس بوك بتاعى اللى قربت أنسى صفحتى شكلها أيه

 

خالد : أيه ياماما كل ده

بتحسسينى أننا خطفينك وبنعذبك

 

ممدوح : هههههه حلوة الفلبنية دى عجبتنى يا إلهام

 

إلهام : عجبتك ماشى يا حبيبى يهمنى إنبساطك برضه

عموما بقى المطبخ مقفول مش حدخله 3 أيام ولا حطبخ حتى ورك نملة

بقولكم اهو

هو ايه مليش نفس أريح ولا مليش أهل يسألوا عليا

 

ممدوح : اهلك مش فاضيين فى الكورونا مقدمكيش غيرنا وشك فى وشنا

 

خالد : يعنى أيه يا ماما حتغدى أيه يعنى

 

إلهام : وأنا مالى التلاجة عندكم واللى عاوز ياكل ياكل براحته أما أنا أجاااااازة

أغنيها لكم

 

رهف : وأنا يا ماما اتغدى أيه

ايه الظلم ده يا ماما

دى ندى صاحبتى مامتها عاملة النهاردة مكرونة بشمايل وبفتيك

 

إلهام : روحى عندها يا أختى وكلى هناك أما أنا أنسينى 3 أيام

 

رهف : بابا يا بااابا تعالى شوف مراتك دى عاملة تمرد وحتسبنا نموت من الجوع

 

ممدوح : إلهام أنتى بتتكلمى بجد يا حبيبتى حتجوعينا 3 ايام ولا بتهزرى

 

إلهام : ايه الهزار انى أئجز 3 ايام من المطبخ يعنى

هو أنا مش بنى أدمة ولا أيه

 

ممدوح : حبيبتى براحتك بس المفروض كنتى تعملى لنا اكل الأول يكفينا وقت أجازتك وتظبطى لنا الدنيا وأئجزى براحتك

 

إلهام : يا سلام يا سلالم وانا حستفاد ايه أن شاء الله

ممدوح خد عيالك كده وإبعدوا عنى أه وكلوا اللى تاكلوه أنا مالى

ووسع كده خلينى أدخل أوضتى أكلم صحابتى وأشوف الفيس بتاعى

 

ممدوح : اى بالراحة عليا يا حبى

 

خالد ورهف : بابا ده بينها بتتكلم بجد وعملت إضراب

حنعمل أيه يا سى بابا ده أحنا حنجوع

 

ممدوح : فشر تجوعوا أزاى ودوحة موجود

انا بعون الله حأكلكم 3 أيام الأضراب بتاعها وحوريكم الشيف أللى جوايا

روحوا اوضتكم وأنا حدخل المطبخ وحوريها

 

خالد ورهف : ( ربنا يستر من أفتكاستك اللى حتخلص علينا الله بسامحك يا ماما سلمتينا تسليم أهالى ل بابا )

 

ممدوح : بتقولوا حاجة يا عيال

 

خالد ورهف : لا يا حبيبى مبنقولش

ده احنا بنقول ربنا يخليك لنا يا حبيبى

 

بكرة حنشوف ممدوح أفتكس أيه غدا للعيال وهل حينجح ولا حيعك كعادته

أستنونى بكرة