أفتاكسات زوج محظور

 

 

إيمان العادلى

 

الحلقة الرابعة والعشرون

 

(الجزء الثانى ) أفتاكسات زوج صايم

 

إلهام وممدوح

 

إلهام : خلاص يا دوحة أللى حصل أمبارح والبيتزا أللى العيال رموها ومحدش كلها بسبب أفتاكساتك وأختراعاتك ننساها يا قلبى

وخلينا فى النهاردة يوم جديد يا حبيبى أتفقنا

 

ممدوح : مالها البيتزا يعنى كانت جميلة وطعمها جديد هو مش طعم بيتزا يعنى لكن كانت حلوة

أنتى أللى مش بيعجبك اى حاجة أعملها

ده أختراع أنا عملته أسمه بيتزاوى

وبعدين أنتى مش إجازة كمان يومين يبقى مالك بقى ومال أللى حعمله النهاردة

 

إلهام : ما هو يا دوحة ببقى جعانة برضه وعاوزة أكل حاجة مفيدة

عموما براحتك يا حبى

 

ممدوح : اه براحتى

واد يا خالد أنت ورهف حتاكلوا أيه النهاردة

 

رهف وممدوح : والنبى يا بابا نطلب حاجة ديلفرى النهاردة بلاش تفتكس قصدنا تتعب يعنى وتعمل أكل

 

ممدوح : ديلفرى وانا عايش وموجود لا ممكن أبدآ

ايه رأيكم نعمل كريب ولا نعمل نجرسكو وكفته

أختاروا يلا حنعمل ايه

 

رهف : نجرسكو يا بابا ( على الأقل مفهوش عك كتير )

 

خالد.: يا سلام يا أختى هو كل يوم يعمل طلبك وأنا لأ

 

رهف : ( ما هو كده كده مبناكلوش يا فالح وبيترمى فى الزباله وبنقضيها أنا وأنت جبنة وخيار)

 

ممدوح : بتقولى أيه يا رهف

 

رهف : مبقولش يا بابا

 

خالد : خلاص أللى تعملوه المهم ( متفتكسش )

 

ممدوح : ههههههه أستنوا بقى مفاجأة دوحة

 

رهف وخالد : اه يا أناااااا

الله يسامحك يا ماما على أللى عملتيه فينا

 

ممدوح دخل المطبخ وكالعادة قرر يعمل أكل جديد ويحط التاتش بتاعه ما هو محظور وطهقان

 

إلهام : ممدوح عاوز مساعدة يا روحى ممكن أقطع أجازتى ساعة علشان خاطر عيونك

 

ممدوح : لا ياستى كتر خيرك وخدى أجازتك كاملة حعرف أصرف نفسى

 

إلهام : ايه يا حبيبى واخد الفون معاك ليه هههههه حتدخل على اليوتيوب ولا أيه

 

ممدوح : لا لأ يوتيوب ايه ده

 

إلهام : ورينى كده أمال ماسكه متبت فيه كده ليه وواخده معاك المطبخ

الله ده نتفكشين من أنغام جارتنا نعم نعم وجروب ستات لكن حلوين

ايه ده يا سى ممدوح

يا نهار ملوش شمس

ممدوح طلقنى بقولك

طلقننننننتى

 

بكرة حنشوف ممدوح وإلهام

وكارثة جارتهم أنغام

ولا النجرسكو كمان

أستنونى