أفتاكسات زوج محظور
إيمان العادلى
الحلقة الخامسة والعشرون
(الجزء الثانى ) أفتاكسات زوج صايم
إلهام وممدوح
ممدوح : أنتى أتجننتى ولا أيه طلاق ايه يا مجنونة ده أللى بتقوليه عيب عليكى ووطى صوتك لاالعيال يسمعوا الهبل ده
إلهام : هبل يا سى ممدوح
أه أنا هبلة ومجنونة وعاوزة أتطلق
كفاية عليك ست أنغام جارتنا وتعليقاتها ليك ولا الجروب ده كفاية أسمه يخلينى أطلق وبالتلاته قال ستات ولكن حلوين قال
إهئ إهئ
خالد : فى أيه يا ماما مالك صوتك عالى ليه وبتعيطى ليه
إلهام : أسال أبوك يا سى خالد وأنت تعرف بس أنا مش قاعدة له فى البيت خليه ياخد راحته على الأخر إهئ إهئ
خالد : كل ده ليه يا ماما بلاها نجرسكو ولا كريب ولا اى حاجة
إلهام : أتنيل على عينك أنت كمان نجرسكو ايه يا زفت
أبعد من وشى والله ما قاعدة لكم فى البيت
ممدوح : عيب يا إلهام تعملى كده قدام العيال
تعالى نتفاهم جوه لوحدنا
إلهام : مش حتفاهم انا شفت الجريمة بعينى إهئ إهئ
ممدوح : جريمة أيه يا مجنونة ده جروب وكل الناس فيه وهى بعتتلى طلب صداقة ودخلتنى فيه
أنتى مجنونة ولا ايه
إلهام : ومدخلتنيش انا ليه وانا ست اهو زيها
ممدوح : ( انا مش شايف أيتها ست )
إلهام : بتقول ايه
ممدوح : بقول هو أنتى ست ده أنتى ست الستات يا حبيبتى وده جروب طلع ولا نزل وكله مشاكل وطبخ وكده يعنى
إلهام : يبقى تطلقنى يا ٠٠٠٠
ممدوح : ايه
إلهام : تدخلنى الجروب بنفسك لأروح لجارتنا إنغام وأجيبها من شعرها وأشوف جوزها سى محى مش لاممها ليه
ها قلت أيه
ممدوح : حدخلك الجروب علشان تتهدى وتسكتى بس أنا مبتتهددش يا هانم تجيبها من شعرها ولا قفاها حتى و لكن والله يا إلهام
لو لاقيتك بتعلقى لحد من الجيران الرجالة حتعرفى شغلك
إلهام : جيران مين تانى
يا لهووووووى يا أناااا من الحظر وعمايله
بكرة حنشوف مين الجيران
وإلهام حتوافق على شرط ممدوح
ولا حيكملوا خناق
أستنونى
يجب عليك تسجيل الدخول لكتابة تعليق.