الأمان… الجزء الأول

رانيا أسامة يحى

#خلاصة_تجربة
ربنا مخلقناش زي بعض… علشان نكمل بعض
احنا مختلفين…

في بصمتنا وفي اشكالنا ومقاستنا وطباعنا ومواهبنا وفي طريقة تعبيرنا او تقبلنا للاشياء..

ولكن خلقنا متشابهين في رغبتنا…
وان كانت درجه إشباع كل رغبة بيختلف من حد للتاني الا انها احتياجات اساسية ثابتة (زي ما قال ماسلو… وحددهم في هرم ماسلو…

الاحتياجات الأساسية بيتضمنها الاحساس بالأمان…
وده حاجه نفسية جدا قياسها مش سهل… لأن مش

كل اللي يريح بالي ويسكن مشاعري ويناسب قدراتي ويحسسني بالأمان… هيريحك ويرضيك ويحسسك بالأمان…

لأن زي ما احتياجاتنا من الاكل واللبس ورفاهية السكن بتختلف من شخص للتاني..

درجه الاحتياج للأمان وكمه وطريقة الحصول علية كمان بتختلف من شخص للتاني…

مش بتكلم عن الاحساس بالأمان العادي… انك تلاقي اكل وشرب وسكن… واهي عيشة وخلاص
انا اقصد
الامان النفسي… والاستقرار العاطفي…. ده كمان احتياج من الاحتياجات الأساسية… ومش بينفع

تحققة لنفسك لوحدك…
ده مش بيتحقق الا بوجود أشخاص حبين يحققوه معاك…مستعدين يسعدوك وتسعدهم

ناس علاقتك بيهم بتنور وشك
ناس مايطفوش لمعة عيونك

ناس بتحس فوجوهم بالأمان…
ناس بتطمن وانت معاهم…

وده اللي بيختصر فيما يسمى ب(الاسرة)
الأسرة الصغيرة جوة البيت الواحد

واسرتنا الكبيرة اللي شايلين اساميها وبينا صله رحم
لحد ماتوصل للأمان اللي ممكن يحققه لك المجتمع(وده

مش هتكلم فيه لانه بالنسبه لي فالاوطان العربية مش متحقق)
️عارفين… احساس السند… ده نوع من مشاعر مريحة وتطمن تحسها مع اللي بيحقق لك الأمان… فتسمية “السند”

لو الأسرة(الصغيرة والكبيرة) ينقصها الأمان والاستقرار العاطفي (المودة والرحمة) … يبقى لازم

يكون في وقفة…وخصوصا في وجود أطفال…
لأنك بإختصار بتطلعهم غير قادرين على الاستواء

النفسي.. أطفال غير مستقرين عاطفيا.. صعب ينجحوا فحياتهم
أطفال مدمرين نفسيا… هيدمروا ناس تانيه
?طيب…
الامان مسؤلية مين؟؟

وازاي نحاول نحققة؟وهل ينفع نطلبة؟؟
وامتى اقدر اقول… خلاص الأوضاع لازم تتغير لان مافيش أمان؟؟

وقبل كل ده لازم اعرف…

الأمان مسئولية مين؟؟؟

الأمان مسئوليه طرفي العلاقة…
ولو في طرف من الطرفين مش بيسعي لتحقيقة يبقي مهما حارب التاتي وحدة مش هيتحقق

️مايعرفش يوفرك الأمان النفسي الا شخص بيحبك ويحترمك وبيقدر قدراتك حتى فهزارة وسكوته وكلامة

شخص عارف ان لو وجعك هيخسرك…ولو بعد حين
شخص قادر يحس بيك… ويحسسك به
شخص قادر يضبط أفعاله… علشان يكمل معاك في امان
شخص بيشوف فيك الحلو… ويأكد علية ويعززه علشان يبقى فيك طاقة تستمر
شخص من جواه عاش الأمان… وحسه… فاقد الشئ لا يعطية

️فمتلمش ابدا طرفك التاني لو محققش ليك الأمان النفسي …
يمكن معرفش يحسك

يمكن مقدرش يحبك
يمكن ميعرفش يعني ايه امان… معشهوش
أو مريض.. بيستمتع باحتياجك له… وبانتظارك لكلمه امان

الحل؟؟؟
الصبر…. او الانفصال

العلاقات اللي الأمان النفسي فيها منعدم… انت بس اللي تقدر تحدد تكمل او لاء
لأن انت بس اللي بتتوجع… ولوحدك

مافيش جهاز فالعالم هيقيس وجعك النفسي وانت مضغوط قد ايه….

لو لسه في شعرة امل… لو لسه باين منه خير… تمسك
لو فيك طاقه تتمسك… تمسك
شارك طرف ثالث مشكلتكم يكون ثقة… يزيل الحرج ويسمع من الطرفين (حكم.. من الأهل… قد يفيد في

ازاله أوجه اللبس او سؤ الفهم)

وابعد لو خااارت قواك وبدأ يدمرك نفسيك ويخرب حياتك وعلاقتك بربنا وأهلك واولادك..
اشتري نفسك… طالما لسه في وقت تقدر تبعد وتحقق لنفسك امان

ابعد حتى وهو جنبك
ابعد حتى لو هو لسه فحياتك

حقق الأمان النفسي لنفسك… حب ربنا صح… حب نفسك صح… حب ناس يعيشوك بالامان (ولادك.. اهلك.. اصحابك..)

يمكن ده صعب… لو انت لسه جواك حب… وباقي عليه..
بس مع الوقت.. مع قله الاهتمام… وضياع الأمان… وفقدان الاستقرار….
بطاريات الحب بتخلص..
وهتلاقي قلبك بيقلك(لقد نفذ رصيده… ارحمني انا بموت)
️وخلايا مخك بتصفر قبل ما تتطفي… وتنهار

حافظ ع اللي باقي منك…
ونكمل

في أجزاء مقبلة… إن شاء الله

#خلاصة_تجربة