د. شريف حسين : فيروس كورونا انتشاره انفجر …خليك بالبيت

 

فاطمة عمارة

ذكر الدكتور شريف حسين استشاري القلب والقسطرة أنه ️رسمياً بقينا تقريباً ألف حالة إصابة يومياً ️وطبعاً الأسبوعين القادمين … والفترة القادمة قد تكون أهم فترة صعبة هتعدي على مصر في أزمة كورونا ..

و من المحتمل أن نري جميعاً عائلات قريبة مننا فيها مصابين بالكورونا أو حالات وفاة ومن المتوقع أن نفقد أحباباً لنا كما فقدنا نحن أيضاً في عائلتنا

️الفيروس انتشاره انفجر خلاص وبقى حرفيا في كل مكان في مصر .و علشان كده الأسبوعين القادمين والفترة القادمة
هما بجد فترة ( الإختيار )

وأضاف سيادته اللي هيحصل سيناريو واحد من اثنين …السيناريو الاول :
الناس هتستمر في الإستهانة بالموضوع ..
وهيستمروا في إقناع نفسهم أن الموضوع بعيد وعند الناس التانيين و هيستمروا في الإهمال والتعامل مع الموضوع على أنه حرب أعصاب وأنه بعيد عننا وأنه الوفيات قليلة وأن الشباب بعيد عن كل ده
و أنهم أنصح من كل اللي حواليهم …

السيناريو ده هيكون معناه أن اللي هيتصاب هيعدي كل بيته و جيرانه وأصحابه .. و حتى اللي واخد إحتياطاته هتبقى معركته أصعب وحمايته أصعب .
ده نفس السيناريو اللي حصل في إيطاليا ..
الناس خدت إجازات .. نزلت زيارات منزلية وأعياد و عملوا تجمعات ..

وفي لحظة واحدة البلد بتصحى على آلاف المختنقين، إلتهاب رئوي حاد، الفيروس بيدمر الحويصلات الهوائية.

الآلاف يتدفقون على المستشفيات..
في مركز الإنفجار بشمال إيطاليا كل المستشفيات امتلأت، كل ما يمكن تحويله لمستشفى امتلأ، ثم بدأوا يعملوا مستشفيات ميدانية في خيام..
كل غرف العناية المركزة امتلأت وكل أجهزة التنفس الصناعي، ثم كل أقنعة الأوكسجين ..
ثم تأتي لحظة قرارات اختيارات الحياة كالحروب تماماً.
بشكل ميداني تم تطوير بروتوكول أن كل من عمره فوق ٦٥ سنة، وكل اللي تحت ٦٥ وعنده حالة مرضية مصاحبة يسيبوه يختنق حتى الموت!!
أطباء يبكون وهم يبلغون مرضى أنه لا يتوافر حتى قناع أوكسجين .
الناس تموت على أبواب المستشفيات..
نسب الوفاة ترتفع يومياً لذلك إيطاليا في وقت من الأوقات سجلت النسبة الأعلى عالمياً !
أما ️السيناريو الثاني أن الناس تفهم خطورة الموقف الحالي .. واللي عارف يقول للي مش عارف .. واللي فاهم يقول للبسيط .. وكل واحد يسيطر على أسرته وعياله واللي عنده سلطة ينفذها و يجبر الناس اللي يقدر عليهم أنهم يلتزموا .
السناريو ده .. هو سيناريو الوعي ..
ده نفس السيناريو اللي أتطبق في الصين … نفس السيناريو اللي خلَّى مقاطعة ووهان اللي كانت هي المنبع .. أنها تحتفل أنها خالية من الفيروس …
وكمان كوريا الجنوبية سيطرت بدرجة مذهلة !

الموضوع حِسْبِتُه بسيطة .. الفيروس مدة احتضانه ١٤ يوم .. لو سيطرنا على نفسنا كمجتمع الفترة القادمة ٣ اسابيع .. الأزمة المنتشرة دلوقتي هتقل .. لأن لو كله ألتزم .. المصابين هيبقوا محدودين و يبقى سهل يلاقوا رعاية و يخفوا …

واللي بيحافظ على نفسه تبقى مهمته أسهل علشان كل اللي حواليه فاهم وبيتعاون .

دورك دلوقتي إنك تختار السيناريو المناسب ليك ..

لو ليك أي سلطة أو صوتك مسموع .. وصل صوتك و عرف اللي حواليك أن المعركة عايزة كل شخص ..
لو أنت يوتيوبر you tuber أو ليك متابعين على السوشيال ميديا .. كلم اللي عندك وعرفهم أن مفيش حاجة اسمها ناس آه وناس لأ في المعركة دي …
لو عندك حد لسه مقتنع أن الموضوع بعيد عنه وأن الموضوع مش مستاهل كل ده أو أنه بعيد عننا .. فهمه أن الكلام ده مش حقيقي ..
وإن المستشفيات مليانة وفي صعوبة شديدة أن في حد يلاقي مكان وأن العزل المنزلي تم تطبيقه لكثرة الحالات وأن الفريق الطبي قرب على مرحلة الإنهيار وأن كل يوم دلوقتي حالتين ثلاثة بنفقدهم من الفرق الطبية
و أن موقفه السلبي ممكن يتسبب في عدوى لولاده أو بيته أو زمايله في الشغل .

إحنا دلوقتي في نفس مرحلة الإختيار
اللي اتحطت فيه كل الدول اللي قبلنا … و مع انه هو نفس الفيروس … لكن كل دولة حصل فيها حدوتة مختلفة على حسب رد فعل شعبها .. و هل فهموا ووقفوا مع بعض وقاوموا الجهل و قاوموا الإهمال ولا لأ

كلنا دلوقتي عارفين أعراض الكورونا وعارفين نلتزم إزاي وعارفين وحافظين الوقاية الذاتية إزاي ولازم كلنا نساعد بعض ونوعِي بعض

وخليكم فاكرين …
في دولة احتفلت بانتهاء الفيروس من مجموعة من مقاطعاتها (محافظاتها)
وفي دولة قالت لشعبها .. ودعوا من تحبون .. فالنهاية قادمة!!

وكنا من شهور بنقول خليك في بيتك
دلوقتي بنقولك: اتزرع في بيتك
خروج فقط عند الضرورة القصوى وبكل الإحتياطات المعروفة بحذافيرها وبدون أي تراخي

وأهم حاجة أرجوكم دعم معنوي للفرق الطبية المنهكة في مستشفيات العزل وفي الن

واشار الدكتور شريف حسين ان الدولة وفرت ٣٢٠ مستشفى تقدم خدمات علاجية لمرضى الكورونا ده غير العزل المنزلي للحالات البسيطة
ومازال في مستشفيات كثير ممكن تتحول إلى عزل
ولو ألتزامنا بإذن الله مش هنحتاج مستشفيات تانية تتحول لعزل