العاصمة

في حوار خاص تتحدث فرح لأول مره.. بوابه العاصمة

0

 

حوار خالد حماده احمد

فى البداية ..عرفينا بنفسك ،كام سنة؟

_ اسمي فرح مصطفى عندي 16 سنة.

*مين نمي موهبتك،وشجعك؟

_ انا اللى نمت موهبتى واشتغلت على نفسى كتير ودربت نفسى فالأول ، وبعدين رحت اتدرب فمعهد قيثارة للفنون وشجعتنى المخرجة المسرحية مايسة نصر وكان ليها الفضل عليا فمشوارى الفنى .

*متى بداتى لعبة الجمباز؟

_ من حوالى عشر سنوات.

*لماذا كان اختيارك للجمباز دونا عن باقى الرياضات؟

_ انا فالاول كنت بلعب باليه وانا عندى خمس سنين وكنت بلعب فمدرسة نيللى كريم بس انا لقيت نفسى فالجمباز اكتر لان هو فيه حركة اكتر .

*ما هى ابرز البطولات التى شاركتها بها؟

_ بطولة المدارس للجمباز واخدت مركز اول على مستوى محافظة الجيزة ثلاث سنوات واتصعدت لبطولة الجمهورية للمدارس بس للاسف البطولة لم تكتمل لعدم اكتمال عدد المشاركات.

*هل كان اى عوائق بتقصر عن التدريب؟

_ لا خالص بالعكس بابا وماما كانوا بيشجعونى والمدرسين والمدرسات شجعونى كتير وكانوا بيستحملوا غيابى عن الدروس والمدرسة بسبب التدريبات والبطولات وكانوا بيعوضونى باعادة الشرح لكل درس فاتنى وانا من خلال المجلة بشكرهم وخصوصا ميس سهير واستاذة صفية موجهة التربية الرياضية .

*حدثينا عن طموحاتك الشخصية ؟

_ انا موديل وطموحى اكون فاشونيستا معروفة .

*من هم اصحاب الفضل فيما وصلتى اليه؟

_ مستر حسام فيض الله وابنته المخرجة الجميلة جوجو فيض الله هما تنبؤا موهبتى وشجعونى ودربونى وتعبوا معايا وحببونى فمجال الفاشون وعروض الازياء .

*حدثينا عن كواليس مهرجان بصمة ابداع؟

_ كان فيه توتر لانه مختلف عن عروض الازياء فديفيليه كيدز وده لانه كان فيه حضور كبير من ممثلين وممثلات وشخصيات بارزة بس مستر حسام فيض الله وزوجته مدام وجدان كانوا معانا بروحهم الخفيفة ودعابتهم معانا وزودوا ثقتنا فنفسنا وتشجعهم لينا كان السبب فظهورنا باحسن طلة .

*كلمينى اكتر الشخص اللى رشحك لهذا المهرجان؟

_ مستر حسام فيض الله ورشحنى لجائزة احسن موديل لعام ٢٠١٩ وكانت مفاجأة ليا وتسمحلى اشكره وهافضل اشكره لكل مجهوداته معايا لانه هو السبب الرئيسي للى انا وصلتله فالمجال ده.

* ما اصعب المواقف والصعوبات فى حياتك؟

_ الكلام السلبى اللى بيتقالى من بعض الناس كان بيحطمنى اوقات بس مع تشجيع بابا وماما ليا وكل شخص اتنبأ بموهبتى فمجاله وادانى دفعة قوية خلانى ازود ثقتى بنفسى واقول لو سمعت الكلام السلبى مش هاحقق طموحاتى وانا فعلا طموحاتى كبيرة وملهاش حدود .

*كيف كانت علاقتك مع الفنان تامر حسنى خلال الحفلات؟

_ اول حفلة ليا مع الفنان تامر حسنى كانت افتتاح كاس السوبر الاماراتى كنت بلعب جمباز ورشحتنى للحفلة المخرجة مايسة نصر وكنت بدرب بنات الجمباز وشافنى وفوجأ بحركات الجمباز وكان هايتم الغاء فقرة الجمباز فالافتتاح وزعلت وعيطت كتير وشافنى تامر حسنى ومسحلى دموعى واكد على حضورنا فالافتتاح ويوم الافتتاح الصبح الفنان تامر حسنى بعت رسالة للمخرجة مايسة نصر هاستنى بنات الجمباز يا مايسة مش هاغنى من غيرهم . وبعدها اخدتنى فحفلاته للرقص ويوم البروفات بيكون موجود معانا وهو شخص محترم جدا جدا وهادى حتى لو حصل خطا من اى شخص ومش بيحسسنا اننا فشغل بالعكس بنحس اننا بنلعب وبيحب يعرف كل تفصيلة فشغله وكنت فحفلة فشرم الشيخ مع الفنان احمد عصام واحنا فالمطار اتصل بالفنان تامر حسنى وقالى خدى كلمى تامر حسنى وكانت احلى مفاجأة ليا من احمد عصام وبعتلى معاه احلى كادوه وكانت صورته .

*كيف كان التعاون مع احمد عصام؟

_ انا كنت حابة العب فاير من وانا صغيرة وخوف بابا وماما عليا منعنى وكانت المخرجة مايسة نصر مؤمنة بموهبتى وعلى علم بيها ومتأكدة انى سريعة البديهة وهاقدر اتعلم لعب الفاير بسرعة واتقنه وعرفتنى على الفنان احمد عصام واتدربت عنده وشجعنى كتير وهو شخصية محترمة وكان مقدر صغر سنى عن باقى فريق العمل معاه وكان لازم يتاكد من سلامة وصولى لاى حفلة معاه ويتاكد من سلامة وصولى للبيت مع بابا او مع اخوه محمد عصام ومن المواقف معاه كنا فحفلة وبعد انتهاء الشو وصلنى لبابا بنفسه علشان يطمن على سلامتى .

*شايفة فين فرح خلال الفترة القادمة؟

_ انا شخصية طموحها عالى وكبير وشايفة نفسى لسة ماخرجتش كل مواهبى ولسة عاوزة ابدع اكتر واكتر بأذن الله.

*هل عشتى اصعب لحظات حياتك اثناء تصوير بسبب كورونا؟

_ طبعا وقفت كل اعمالى بسبب كورونا وده شئ صعب عليا لانى شخصية عملية وعندى طاقة الحمد لله و انى فاجاة اكون فالبيت ومافيش اى اعمال وتصوير وحفلات وسيشنات اكيد صعب عليا وربنا يعدى الازمة على خير.

*ماهى الاعمال القادمة ؟
_ عرض ازياء ديفيليه كيدز الدولى بقاعة المؤتمرات بمدينة نصر ، وفيلم حفلة 9 مع الفنانة غادة عبد الرازق.

*حابة تقولى كلمة اخيرة؟

_بشكر بابا وماما واخواتى لمساندتى وتعبهم معايا وبشكر مستر حسام فيض الله وجوجو لايمانهم بموهبتى وتدريبى وتعبهم معايا وبشكرهم على الجائزة وبشكر المخرجة مايسة نصر والفنان تامر حسنى واحمد عصام لحسن اخلاقهم معايا وتشجعهم ليا ، وبشكرك لاتاحة الفرصة للحوار الممتع وانى اوجه شكرى وامتنانى لكل من شجعنى .

اكتشاف المزيد من بوابة العاصمة

اشترك الآن للاستمرار في القراءة والحصول على حق الوصول إلى الأرشيف الكامل.

Continue reading