آخر لؤي قلبي انجرح
والدنيا ضاقت ب القوي
يادنيا ما كفاية بقي
بحر الدموع ويا الشقي
ايه الحكاية يعني منك
حابساني ليه ف الشرنقة
كترت آهات الليل معايا
ولا عارفة لسة إيه الحكاية
بحر الدموع صاحب هوايا
ضي القمر غني لبكايا
حتي النهار تايه معايا
كل البلابل سمعت ندايا
آهين عليا وألف آآآآآه
ولا نابني ليه غير الجفي
والقلب لساه بردوا طيب
لساه برئ جواه وفااااا
عايشة فوسط الكدابين
دنيا الخداع دي مزيفة
زيفهاااا كدب العاشقين
حتى العيون المغرمة
تاهت ف وسط المجروحين
ولا كان مكانى أو دنيتي
دنيا البراءة آآآآآآآه سكتي
عايشة ف خيال جوة الحياة
بحلم بقلب يكون حياة
أصل الحكاية والمسألة
أنا عايشة لسة فتوأمة
بيني وبين الروح حياة
موصولة يمكن ب الإله
آهين عليا وألف آآآآآه
ولا شفت لسة ايه السعادة
والفرحة حتي ف عينى سادة
والدنيا ضلمة ليه زيادة
جايز أبويا سايب فراغ
تايهة فبعده حاسة بضياع
مجنونة بعده والقلب ضاع
حاسة الحياة مش هي لسة
ولا حد حاسس ايه فيا لسة
والاندفاع كان باقي لسة
وكأن روحي مش معايا
ويا مين لي عاشق يوم هوايا
يمكن معايا أو مش معايا
يمكن جروحي تايهة فطموحي
أنا عايشة لكن مش لاقية روحي
يجب عليك تسجيل الدخول لكتابة تعليق.