العاصمة

مطلوب عروسة

0

إيمان العادلى

الحلقة الثانية عشر

بعد حكايتى مع العروسة المنحنحة هى وعيلتها
الحمد لله لحقت نفسى من الضغط والسكر وحلفت براس جدى سلطح باشا منا متجوز ويقطع الجواز وسنينه و٠٠٠٠٠

أميرة : حمادة بقولك من غير زعيق ولا صوت عالى لاقيتلك عروسة لقطة

حمادة : أسكتى انتى مش حصدقك تانى بعد مجايبك الهباب وعرايسك اللى شبهك دول وبعدين انا حلفت براس جدى سلطح باشا منش متجوز

أميرة : يووة يا حمادة شوف العروسة الاول وبعدين أحلف براحتك

حمادة : مالك واثقة فى نفسك كده ليه المرة دى
مين العروسة المرة دى يا وش النحس أنتى

أميرة : بص يا سيدى عارف البت نهلة اللى كانت معايا فى الجامعة أللى مكانش لها فى مياصة البنات ومحترمة وبتطلع بأمتياز دى

حمادة : أه مالها فاكرها كنتى بتتغاظى منها علشان شاطرة وجميلة

أميرة : قلتش حاجة انا أهو أنت قلت أهو جميلة هى دى العروسة يا معلم
أنا جبت عنوانها وأديته ل بابا وسأل عليهم وحددنا الخميس الجاى نروح لهم و ٠٠٠٠٠٠

حمادة : ماما يا ماما هى وصلت تحددوا مواعيد مع الناس من غير ما تقولولى

الحاجة أميمة : أسكت ياواد أنت وأتلهى أنت تمشى ورانا وتسكت لحد ما أشوفك عريس سامع ويلا أعمل حسابك حنروح لهم

حمادة : بابا يا حاج تعالى ألحقنى

الحاج محمود : خلاص أتفقت معاهم بابها دكتور فى الحامعة ومامتها كمان دكتورة وأخواتها الأتنين معيدين فى الجامعة والعروسة كمان معيدة
يعنى نسب يشرف لك ولولادك وكمان هما ناس محترمين ولاد أصول

حمادة : توكلنا على الله هات فلوس التورتة

وهوبه ٠٠٠٠٠٠٠

أبو العروسة : أهلا وسهلا حاج محمود وحاجة أميمة وأ أحمد وعروستنا القمر أميرة

الحاج محمود : اهلا بيك دكتور على ودكتورة رباب البيت منور بيكم

أميرة : أهلا يا تانت رباب فين نهلة بقى

أم العروسة : جاية حالا شرفتونا وعقبالك يا أميرة لما نفرح بيكى

وهوب العروسة دخلت

الحاجة أميمة : أهلا حبيبتى مرات أبنى بسم الله ماشاء الله جمال وأصل

نهلة : تسلمى يا تانت على ذوقك
أهلا أ أحمد نورت حضرتك

حمادة : اهلا أنسة نهلة
الله دى العروسة قمر بصحيح وشيك كمان وبنت ناس ورقه وذوق وأهلها كمان ناس فوق الوصف بينها حتضحكلى أخيرا وحتجوووز
نفعتى فى حاجة يا بت أميرة يا وش النحس وشكلى حغير لقبك وأخليك وش السعد و ٠٠٠٠٠٠٠

أم العروسة : د على هات الحاج محمود وانا ججيب الحاجة أميمة وندخل المكتب نتفرج على المكتبة ونسيب عرايسنا مع بعض شوية

الحاجة أميمة : ماشى يا حبيبتى كلك ذوق والله

العروسة : أهلا أ أحمد حضرتك بتحب القراية والكتب

حمادة : مش دايما والله يدوب الوقت على أد شغلى وبعدين الفيس مش مخلى كل الاخبار عليه هههههه

العروسة : أخبار أيه اللى على الفيس أنا بتكلم على الكتب بتابع مثلا أخر الأختراعات أو الأبحاث العلمية فى العالم
شفت حضرتك أخر الأختراعات و ٠٠٠٠

حمادة : لا والله مش متابع بس أى موديل جديد ينزل فى الفون بتابعه و ٠٠٠٠٠

العروسة : فون أيه أ أحمد هى البشرية عايشة علشان الفون بس أنا حاليا شغالة على بحث حيعمل حيعمل أنقلاب فى الاوساط العلمية بعمل على أستخراج الغاز والطاقة من القمامة أللى فى الشوارع و ٠٠٠٠٠

حمادة : قمامة أه ربنا يوفقك هو ممكن أسألك يعنى علشان نتعرف على بعض اكتر

العروسة : أه اوووى أووووى

حمادة : هو حضرتك يعنى بتسمعى أغانى مثلا أو حتى بتقرى كتب رومانسية فى الحب مثلا أو بتخرجى مع صحابك او ٠٠٠٠٠

العروسة : لا انا مبضيعش وقتى فى الكلام ده وصحابى هما الكتاب ولو قصدك الحب يعنى حقولك يا سيدى الحب ده عملية كميائية بتحصل فى الجسم وبناء عليه بيتم التزواج فى عملية ديناميكية بينتج عنها إنجاب الأطفال زى أى تجربة معلمية ناجحة فى المعمل

حمادة : أه يعنى أحنا كده فى تجربة معلمية

العروسة : أه بس أنت فى مرحلة الأختبار اللى حينتج عنها نجاح أو فشل التجربة ولو نجحت يبقى أنا عثرت على الذكر المناسب لأكمال العملية الدينماكية لإنجاب الابناء و ٠٠٠٠٠

حمادة : أه فهمت أنا تجربة عند حضرتك معلمية مش أكتر و ٠٠٠٠٠

العروسة : أه صح كده وبالذات بعد دراسة عائلة حضرتك وراثيا أتأكدت من نقاء جيناتكم بس هو فى مشكله أن جينات الطول عند حضرتك مش نقيه فيها جين القصر متنحى وأنا للاسف برضه عندى جين القصر متنحى فبكده حيطلع الجيل التالت قصير جدا
ممكن نتفادى إنجاب الجيل التالت ونكتفى بالأول والتانى و ٠٠٠٠٠٠

حمادة : وممكن نكتفى برضه من العملية الدينماكية بحالها
بابا يا بابا يا ماما

الحاج محمود : ايوة يا حمادة خير ( اه حمادة غمزلى بعينه ) يبقى فركش
تمام د على أحنا أن شاء الله نكلم حضرتك يومين تلاته كده ونشوف
يلا يا حمادة
سلامو عليكم

حمادة : بقولك أيه يا أنسة نهلة فى شوية جينات عندى أنتى مشفتهاش زى ما تقولى كده جينات كلابى شوية مبتطلعش فى المعمل

العروسة : ازاى مش فاهمة

حمادة : يعنى ممكن كده وأنا قاعد أعض لوحدى أى حد وأطلع دراعه فى بقى
أبعدى بقى لحسن الحالة جاتلى
عوووووووو

يا بختك الأسود فى عرايسك يا حمادة عاوزين يجوزونى عروسة علمية معملية فذة وتعملنى تجربة فى المعمل

هييييييه أستنونى فى حلقة بكرة

اكتشاف المزيد من بوابة العاصمة

اشترك الآن للاستمرار في القراءة والحصول على حق الوصول إلى الأرشيف الكامل.

Continue reading