العاصمة

مطلوب عروسة

0

 

 

إيمان العادلى

 

الحلقة السادسة عشر

 

أنا حمادة العريس اللى تقريبا لفيت مصر علشان أجيب عروسة بس ها بقى قررت أنه مفيش عروسة وأنى حعيش حياتى وبراحتى و٠٠٠٠٠٠

 

الحاجة أميمة : حمادة يا حبيبى تعالى أقولك على حاجة

 

حمادة : عروسة تانى لأ يا ماما أنا خلاص قررت أعيش لنفسى وبس ممكن تقوليلى حستفاد أيه يعنى لما أجيب واحدة غريبة عنى ولا لحمى ولا دمى زى البت أميرة مثلا وأكلها وأشربها وأصرف عليها مرتبى وكمان تنكد عليا لو مغسلتش لها الأطباق مثلا زى ناس كده ها

 

الحاجة أميمة : بس ياواد ايه الكلام الأهبل اللى بتقوله ده يا متخلف لحمك ودمك ايه يا موكوس ليه حنرجع لأول الخلق وأجوزك أختك أنت أهبل صح ياواد

وبعدين يا حبيبى الجواز سنة الحياة واللى مش لحمك دى ولا دمك حتبقى أقرب الناس لك وربنا بيخلق بينكم المودة والرحمة

 

حمادة : زهقت يا ماما زهقت هى فين دى اللى حتبقى مودة ورحمة

 

الحاجة أميمة : موجودة يا حبيبى أمك دورت وأتطقست وجبتها لك وحددنا ميعاد الخميس الجاى نروح لهم جهز نفسك وخد فلوس التورتة من أبوك

 

حمادة : بجد يا ماما حلوة يعنى وبيضة

 

الحاجة أميمة : نقاوتى بقى وأنت عارف ذوق أمك العروسة تبقى

بنت اخت جارتنا فوزية اللى فى الدور الخامس شفتها وهى نازلة من عندهم بدر ليلة كماله

 

حمادة : توكلنا على الله بس الناس دول تنكين أووى يا ماما وشايفين نفسهم

 

الحاجة أميمة : عطيات أم العروسة مش كده انا سألت عنهم المهم جهز نفسك للخميس يا عريس

 

وهوبة

 

أبو العروسة : اهلا وسهلا أتفضلوا ياجماعة أزيك يا فوزية أتفضل يا حاج محمود شرفتونا والله

 

الحاج محمود : أهلا بيك أ محى منور بيكم والله

 

ام العروسة : أهلا وسهلا بيكم اتفضلوا نورتوا

نورت يا حاجة أميمة نورت يا احمد

 

حمادة: منور بيكم يا تانت وعمو محى

البيت شيك ذوقه راقى وبروايز غالية فعلا وتحف متكلفة حتى تانت عطيات لابس خاتمين بس لكن غاليين أووى شكلهم كده دهب أبيض ذوقهم راقى فعلا حتى العقد اللى لابساه لولى أبيض يزغلل العينين مش عارف بينها ست أروبة شوية نظراتها بتقول كده حتى عمو محى لابس ساعة كارتيه عقاربها دهب بشئ وشويات وبعدين بقى يا حمادة الفار حيلعب كده و ٠٠٠٠٠٠

 

الحاجة أميمة : أيه يا فوزية أمال فين العروسة تسلم علينا ههههه لنا ساعة أهو يا حبيبتى

 

أم العروسة : جاية أهو يا حبيبتى شيرى تعالى يا قلبى

 

العروسة : أهلا يا عمو أزيك يا تانت

اهلا أ حمادة

 

حمادة : الله العروسة قمر منور وشياكة ولابسة حته خاتم برضه بلاتين زى أمها وبصراحة شيك اووى ولبسها راقى وبرند و ٠٠٠٠٠

 

أم العروسة : نسبكم شوية يا حبايب قلبى تتعرفوا على بعض وكده يعنى

تعالى يا حاجة وهاتى أ محمود نقعد فى اللفينج

 

حمادة : أهلا أنسة شيرى أنتى بتشتغلى ولا لأ

 

العروسة : لأ انا خريحة أداب فرنش ومبشتغلش أنا عارفة أنك مهندس وعندك مكتب

 

حمادة : اه الحمد لله وعندى شقة والحمد لله أقدر أفتح بيت وحياة محترمة أن شاء الله

عندك اى سؤال أنسة شيرى تحبى تسأليه ليا

 

العروسة : لأ تقريبا عرفت كل حاجة عنك من ولاد خالتو فوزية

 

حمادة : طيب ههههه فى قبول يعنى ليا ولا أنادى على بابا ونروح

 

شيرى : ههههه نادى على بابا يكلم بابا وحقوم أنا بقى

 

حمادة : يا وعدى

بابا يا بابا تعالى يلا خلصنا كلام

 

الحاج محمود : خير فى ايه ( مغمزش بعينه الحمد لله ) الموضوع ماشى

تمام أ محى الولاد موافقين نعرف طلبات حضرتك فى الجواز ونحدد ميعاد للخطوبة والشبكة أن شاء الله

 

ابو العروسة : احنا بنشترى راجل حاج محمود ونسب يشرف زيكم

 

حمادة : ما بلاش الكلمة دى الفار بيلعب منها والله أستر يارب

 

الحاج محمود : الشقة موجودة ومتشطبة احسن تشطيب وحتشوفها والتقيل علينا وشوفوا عاوزين تجيبوا ايه ولا متجبوش خالص هههه المهم ربنا يتمم على خير

 

ابو العروسة : احنا حنعمل زى بنات خالاتها علينا المطبخ بكل أجهزته والسجاد كمان وطبعا بنكتب قايمة ومؤخر زى بنات خالاتها ميرضكش يا حاج يفرحوا فى بنتى ولا يتنؤزوا عليها

 

الحاج محمود : ميرضنيش طبعا ولا ايه يا حمادة

 

حمادة : طبعا يا بابا أللى يقوله عمى

 

ابو العروسة : تمام ننتقل للشبكة والقايمة والمؤخر علشان نتفق على كافة شئ

الشبكة لازم سوليتر خاتم ومحبس ألماظ ميقلش عن 4قراريط زى شبكة أمها وخالاتها وبناتهم القايمة تتكتب ب مليون جينه زى ٠٠٠٠٠

 

الحاج محمود : ايه ده يا أ محى دى شبكة غالية جدا دى تخش لها فى نص مليون وبعدين أمها وخالاتها اتجوزوا لما كان الألماظ ب2 جينه وقايمة ايه اللى بمليون جينه دى

لا لا حضرتك كده قاصد تبوظ الجوازة وبتعجز الواد و ٠٠٠٠٠

 

أبو العروسة: تعجيز ايه انا شارى حمادة بس دى عادات يا حاج مقدرش أقل بنتى فى وسط خالاتها وعماتها وتبقى أقل منهم تراضها لبنتك أنها تقل عن قرايبها

 

الحاج محمود : أيوة أرضاها ونص هو فى عريس دلوقتى معاه اللى بتطلبه ده الا إذا كان حرامى بقى

المفروض نخفف على الشباب ونجوزهم مش نعقد حياتهم

 

أبو العروسة : مقدرش أخالف عرف العيلة عندنا وأفرحهم فى بنتى و ٠٠٠٠

 

حمادة : أستنى يا بابا حرد أنا بعد إذنك

شوف يا عمو انا برفض عادات حضرتك وأصلا رافض الجوازة كلها وبنت حضرتك تستاهل حد غيرى مليونير يلا يا بابا يلا يا ماما

شكرا يا تانت فوزية

 

المهم مشينا بس بصراحة دمى بيغلى من الراجل ده ويبقى يقابلنى لو بنته أتجوزت

 

وأستنونى بكرة وحلقة جديدة

اكتشاف المزيد من بوابة العاصمة

اشترك الآن للاستمرار في القراءة والحصول على حق الوصول إلى الأرشيف الكامل.

Continue reading