العاصمة

وداع المحبين

0

كتب : خالد المنصوري / مصر
18/1/2020
سحرتني بعنيها…وقالتلي احلي كلام
روحي دابت فيها…وعيشت في الاحلام
شوفت ف عيونها…شوق وغرام
يوماتي اكلمها…يوماتي اقابلها
يوماتي اكون وياها…ماهي ليا وانا ليها
وبعد كام اسبوع…فجأتني برسالة
بتقول فيها نبعد….واعملها ازالة
بكيت في لحظتها….وجريت اكلمها
قفلت في وشي… قبل مافهم منها
لا نت عايزة ترد…وقفلالي تليفونها
مابقتش تتكلم…وغيرت رقم فونها
وبعد كام ساعه…بعتت رساله علي الفيس
بتقول لازم نبعد….جالي انهارده عريس
قولتلها طب ماله…مانا بكرة هبقي عريس
اجي واتقدم….نفرح سوا ونهيص
قالت حبيبي اسفه….فكرت بجدية
عمري ماكون انا ليك…وبرضو انت مش ليا
سألت علـ الأسباب….لقيتها اجابه رمزية
قريبي متقدم….رديت بعصبية
قولتلها ووافقتي ؟؟…زاغت من الموضوع
وخدت نفاسها…ولقيت في صوتها دموع
جارحالها احساسها….عاوزاني ولا خلاص
مقتنعه بعريسك…قفلت في وشي الخط
وفضلت مستني..لا فيس بترد..ولا فون يرن
وبعد كم اسبوع…غيرت صورۃ فيسها
واقفه وماسكة بوكية…وفي ايديها عريسها
وبعد كم ثانية…بعتت رساله ليا
بتقولي مش هنساك…يا اجمل هدية
قولتلها ايه جابرك….تبيعي وتخوني
قالت ضغوط الأهل…..هما اللي جبروني
قولتلها وانا ببكي…وانتي مبسوطه ؟؟
سكتت ومسحتني…وعملتلي بلوك
حقيقي جرحتني…قلبي بقي بيزُك
عدت علينا شهور…وكنت بدعيلها
يشيلها جوه عنيه…وعمره مايهنها
وعرفت من صاحبي…انه بيضربها
ساعات يجوعها….وساعات يكهربها
وابوها مش عارف…يعمل معاه حاجه
ماهو اللي غصبها….واجبرها بسذاجه
بعت مع صاحبي….ورقة كاتب فيها
جملة وانا ببكي…قاصده تروح ليها
كتبت فيها وقولت ..قبل ماتختاري
اختاري حب يصونك… ويحميكي
سحرتني بعنيها…وقالتلي احلي كلام
روحي دابت فيها…وعيشت في الاحلام

اكتشاف المزيد من بوابة العاصمة

اشترك الآن للاستمرار في القراءة والحصول على حق الوصول إلى الأرشيف الكامل.

Continue reading